Загреб ангажираше грузиски бек

CC BY-SA 4.0 (via Wikimedia Commons)

Грузискиот бек Георги Чковербадѕе (24) само неколку дена по разделбата со бундеслигашот Гумерзбах, потпиша за екипата на Загреб и ќе го видиме и во Битола во натпреварот од Лигата на шампионите.

Чковербадѕе е десен бек кој во 2019 на 18 годишна возрас како најголем грузиски талент потпиша за францускиот тим Монпеље. Во 2021 беше позајмен во швајцарскиот Винтертур, а потоа се врати во Монпеље, го одработи договорот до крај и се пресели во германскиот тим Гумерзбах каде што немаше сезона за паметење.

Гумерзбах летово на неговата позиција ги доведе Кај Смитс од Холандија и Жоао Гомеш од Португалија, а со грузискиот бек спогодбено го раскина договорот што беше важечки уште една сезона.

Загреб, кој на позицијата десен бек (уште оваа сезона) го има Лука Ловре Кларица ја искористи ситуацијата во Гумерзбах и потпиша со Чковербадѕе со што формираше сосема солидно бековско дуо на таа позиција.