РФМ издаде прирачник со ракометните правила

Со желба да се унапреди стручноста и подобри едукацијата и квалитетот на сите чинители во ракометот, Ракометната федерација на Македонија изработи прирачник за ракометни правила на македонски јазик.

Ракометната федерација на Македонија, во пресрет на новата натпреварувачка сезона, изработи Прирачник за ракометните правила на македонски јазик, согласно најновите промени на Светската ракометна организација, наменет за судиите и делегатите.
Со цел унифицирана примена и подобро познавање на правилата на ракометната игра, примероци од прирачникот ќе им бидат доделени на судиите и делегатите во рамки на редовните тестирања пред почетокот на сезоната.