Алкалоид ќе го брани на македонскиот Фајналфот пехарот од Куп на Македонија освоен минатата година. Финалистот на ЕХФ Европскиот Куп е последниот што обезбеди билет за завршниот турнир, откако во еден ден ги победи екипите на Мулти Есенс (37-12) и Тинекс Пролет (42-20) и го освои првото место во квалификациската група.
На завршниот турнир пласман обезбедија и екипите на ГРК Охрид, Еурофарм Пелистер и Вардар 1961. Завршниот турнир беше предвидено да се игра викендот 24/25 мај, но во тој период Алкалоид ќе игра во финалето на ЕХФ Европскиот Куп, па се чека од Ракометната федерација на Македонија да биде одреден нов термин за одигрување на Куп на Македонија.