УО на РФМ: Ф4 на Куп ќе се игра во Струмица!

Управниот одбор на Ракометната федерација на Македонија денеска го одржа првиот состанок во 2026 со неколку интересни теми и точки што членовите ги одобрија или усвоија.

Донесена е одлука за „Ф4“ на Куп на Македонија 2026. Екипите на Е. Пелистер, Вардар 1961, Алкалоид и Охрид за првиот пехар сезонава во Суперлигата ќе се борат во Струмица. 
Термините се 17/19 април. 

Тема што неофицијално беше актуелна, најавената преселба на канцелариите на РФМ од „Скопјанка“ во „Јане Сандански“ денеска беше и официјализирана како точка на дневен ред. РФМ ќе се пресели во „Јане Сандански“, веројатно до јуни ако сѐ оди како што треба. Договорот би требало да биде долгорочен, дводецениски.