Понеделник е денот „Д“ за Вардар 1961

Понеделник, 22 јуни е денот што ЕХФ го одбра како ден кога ќе бидат претставени 24 учесници во Лигата на шампионите следната сезона, прва во нов формат. Досегашниот формат со 16 екипи поделени во две групи во која секоја од екипите мораше да одигра 14 кола пред да почнат елиминациите беше интересен само на почетокот, а потоа се претвори во гломазна здодевна лига во која вистионскиот ракомет почнуваше во 1/4 финалето. Осбено што едни исти екипи од година во година патуваа низ цела Европа за „големата“ награда од 650.000 евра колку што Барса освои сезонава. Згора на тоа системот со седум вајлд карти не даваше речиси никаква шанса нови имиња односно држави да влезат во ЛШ.
Сезонава, повеќе екипи од Германија и Франција треба да го кренат квалитетот, а вклучување на нови држави како што веројатно ќе бидат Србија, Швајцарија, Словенија во иднина и некои други (ЕХФ има право да покани и неевропски земји) можат малку да ја разбијат монотонијата.

ЕХФ објави дека 27 клуба се пријавиле за учество во ЛШ, но не знаеме дали потенцијалните неевропски гости во ЛШ имаа таква обврска. Ако остане на овие 27, можеме со сигурност да тврдиме дека шампионот на Македонија, а тоа е Вардар 1961 утре ќе добие место во ЛШ. Протечени информации или шпекулации, сеедно, велат дека во ЛШ освен Вардар 1961 од регионов вајлд карти ќе добијат и Целје и Партизан.
Со ангажманот на Никола Билик, Кристијан Пилиповиќ, Морено Цар и назначувањето на Анди Шмит за тренер, веројатно и швајцарскиот тим Криенс Луцерн се чекираше за ЛШ.

Ќе си земеме слобода да кажеме дека наши фаворити за недобивање на вајлд карта за ЛШ се Валур од Исланд, Татабања од Унгарија и Елверум од Норвешка. Така размислуваме ние, како размислува ЕХФ ќе видиме утре кога ќе бидат објавени имињата на учесниците во ЛШ.

ГАРАНТИРАНИ МЕСТА

CRO – HC Zagreb
DEN – Aalborg Håndbold
ESP – Barçа
FRA – Paris Saint-Germain
GER – SC Magdeburg
HUN – One Veszprém HC
NOR – Kolstad Handball
POL – Industria Kielce
POR – Sporting Clube de Portugal
ROU – CS Dinamo Bucuresti
GER – MT Melsungen (Победник на ЕХФ Лига)

ВАЈЛД КАРТИ БАРААТ:

DEN – SAH Aarhus
DEN – GOG
FRA – HBC Nantes
FRA – Montpellier Handball
GER – Füchse Berlin
HUN – OTP Bank – PICK Szeged
HUN – MOL Tatabánya KC
NOR – Elverum Håndball
POL – Orlen Wisla Plock
POR – FC Porto
ISL – Valur
MKD – HC Vardar 1961
SLO – RK Celje Pivovarna Lasko
SRB – RK Partizan AdmiralBet
SUI – HC Kriens-Luzern
SWE – IFK Kristianstad