Вардар и Алкалоид со групи за мерак

Екипите на Вардар и Алкалоид ги добија противниците во ЕХФ Европската лига за натпреварите од групната фаза.
Двата македонски тима имаат противници против кои би можеле да ја минат најмалку првата фаза од ова натпреварување и да се пласираат во Главната рунда. 
Вардар за противници ги доби екипите на Кристијанштат од Шведска, Тулуз од Франција и победникот од дуелот меѓу Сесвете и Дуго Село од Хрватска. 
Две екипи продолжуваат во Главната рунда каде што ќе вкрстат со двете екипи од групата Е.
Алкалоид, доколку успее да изведе подвиг и да се пласира во групната фаза, тогаш за противници ќе ги има екипите на Фредериција од Данска, Татран Прешов од Словачка и победникот од шведскиот дуел меѓу Севехоф и Малме. 

ЕХФ ЕВРОПСКА ЛИГА
ГРУПА A: Флензбург, Турда, Морс Ту/Ст. Рафаел, Бидасоа/Брага
ГРУПА Б: Монпеље, Островија, Кил, Берн/Чаковец
ГРУПА Ц: Гранољерс, Слован, Скандерборг/Мадеира, Баја Маре/Стјарнан
ГРУПА Д: Порто, Фрам, Елверум/Торелавега, Горење/Луцерн
ГРУПА Е: Мелзунген, ФТЦ, Бенфика, Глогов/Карлскрона
ГРУПА Ф: Кристијанштад, Вардар 1961, Тулуз, Сесвете/Дуго Село
ГРУПА Г: Фредериција, Татран, Алкалоид/Хановер, Севехов/Малме
ГРУПА Х: Кадетен, Нексе, Адемар Леон, Партизан/Карвина