Јагуриновски и Томовски утре во акција

Фото: РФМ

Македонија не е познат извозник на ракометари, напротив десеткратно повеќе увезува играчи отколку што испраќа на печалба. Бројот на интернационалци не е голем, а бројот на интернационалци што играат во земјата каде што се игра најдобриот клупски ракомет годинава е сведен на двајца ракометари и тоа во Втората Бундеслига.

Мартин Томовски сезонава ќе брани за Битенхајм, а Томислав Јагуриновски ќе игра за екипата на Десау Рослер.
Двајцата, утре ќе го имаат првиот официјален натпревар за своите нови клубови.
Во Германија, стартува националниот Куп и во првото коло од елиминациите екипата на Десау Рослер ќе му биде гостин на тимот на ТУС Винхорст од Хановер, член на третата Бундеслига.
Мартин Томовски, пак, на домашен терен го пречекува тимот каде што настапуваше до јуни годинава – ВФЛ Потсдам.