СУПЕРЛИГА: Прв битолски тест за Вардар 1961

Фото: ГРК Охрид

По трите вчерашни натпревари од второто коло во македонската Суперлига на кои победи остварија екипите на ГРК Охрид, РК Еурофарм Пелистер и РК Алкалоид, денеска ќе се одиграат уште два натпревари. За комплетирање на колото ќе остане само уште еден натпревар, дуелот меѓу РК Радовиш и РК Бутел Скопје кој поради европските обврски на скопскиот тим е закажан на 17 септември.

Денеска, екипата на РК Вардар 1961 ќе го има првото гостување во Битола. Скопските црвено-црни ќе бидат гостин на РК Еурофарам Пелистер 2, екипа која е добро составена, засилена странски играчи и поискусни ракометари и е канидат за место во Плејоф.
Колкав е нивниот капацитет ќе видиме низ сезоната, а една од екипите што е репер за нивниот квалитет ќе дојде денеска во „Боро Чурлевски“.
РК Вардар 1961 е фаворитот на натпреварот, но очекуваме да треба да вложат доста напори за да минат победнички низ Битола.

Денеска меч што е од големо значење за двата противника ќе се игра во Прилеп, а гостува екипата на МРК Куманово.

СУПЕРЛИГА 2 КОЛО
РЕЗУЛТАТИ:
ГРК Тиквеш – Алкалоид 22:24
Еурофарм Пелистер - Тинекс Пролет 36:24
ГРК Охрид – Струга 40:16

ДЕНЕСКА:
17:00 Е. Пелистер 2 - Вардар 1961
18:00 Прилеп - Куманово
17.9.2025
Радовиш - Бутел Скопје