Колку пари му требаат на Берлин за Питлик?

Photo: IHF/Kolektiff (cropped image)

Фуксе Берлин ја освои прв пат шампионската титула во Германија, играше и финале на Лигата на шампионите, а откако стигна до овие врвови, на теренот не им оди како порано, го сменија и тренерот и воопшто поинтересни се приказните во медиумите за нив, отколку што се „интересни“ на терен.

Дека Дика Мем би можел во 2027 година да оди во Берлин е отворена опција. Мем има договор со Барса до 2027, на Берлин не му се брза затоа што го има Гидсел на таа позиција, а наводно и веќе бил во Берлин францускиот бек и ги разгледал тренинг центрите.

Друго многу поверојатно сценарио е преселбата на Симон Питлик од Флензбург во Берлин и така и на клупски план би играл заедно со Гидсел.
Питлик има договор со Флензбург до 2029, но има и опција во 2027 да го раскине договорот со одредена отштета.
Германскиот „Билд“ открива дека клаузулата за раскин на договорот во 2027 се активира со фиксна сума од 750.000 евра.