ТОП ВЕСТИ: Новата зграда на ИХФ, трансфери на Пеливан, Итуриза...

Меѓународната (Светската) ракометна федерација, ИХФ, официјално се пресели во својата нова зграда во Базел, Швајцарија. ИХФ купи, реновираше и прилагоди за свои потреби згада од шест ката со вкупна површина од околу 5.000 м2.
Најголемиот дел се канцеларии, службени простории, има сопствен ресторан, простории за состаноци и сѐ што треба да има зграда чија вредност преминува 300 милиони евра.
Оваа зграда што не е изнајмена туку е сопственост на ИХФ, е потврда плус дека ИХФ добро знае да ги менаџира своите потреби и паметно инвестира.

Француската ѕвезда Том Пелајо, по само една сезона мината во Динамо Букурешт, се враќа назад во Франција и следната сезона ќе игра за екипата на Лимож.

Утре во Виена, ќе се одржи ждрепката за Фајналфор турнирот на Лигата на шампионите што на 12/13 јуни ќе се игра во Келн. Учесници годинава се екипите на Барса, Магдебург, Алборг и Фуксе Берлин.

Капитенот на репрезентацијата на Турција, Дорук Пеливан, следната сезона ќе игра во Германија, во екипата на Вецлар. Бундеслигашкиот клуб го потврди трансферот и информираше дека од тимот си одат хрватскиот бек Филип Вистороп и домашниот Јустин Милер.

Португалскиот пивот Виктор Итуриза се враќа во Европа по едносезонски претстој во Кувајт. Итуриза ќе игра за екипата на Динамо Букурешт со која потпиша двегодишен договор.