Екипата на Еурофарм Пелистер следната сезона ќе биде побогата за уште еден странски ракометар. Средниот бек Алекса Колаковиќ, досегашен ракометар на екипата на Билер од Франција е претставен како ново, деветто засилување откако за тренер беше назначен Лино Червар.
Алекса Колковиќ е син на познатата српска ракометарка Сандра Колаковиќ која играше за екипите на Крим и Будуќност. Неговата кариера е поврзана со играње во Франција, во екипите на Санкт Рафаел и Шарт пред да оди во Билер.
Според објавата на Е. Пелистер, тој би требало да биде последното ново име во тимот.
Мозаикот за сезоната 2026/27 го комплетираме со доведување на уште еден среден бек. Нов член на Еурофарм Пелистер е Алекса Колаковиќ, кој се обврза на договор на една сезона, со опција за уште една. Се работи за 28-годишен српски репрезентативец, роден во Подгорица, кој доаѓа во Битола од францускиот ракомет.
По четири сезони во Сант-Рафаел и две во Шартр, Колаковиќ го прифати предизвикот да дојде во најракометниот град и да игра пред најдобрата публика во светот. Средниот бек има шест настапи за српската репрезентација, а настапите во една од најсилните лиги во светот беа добра препорака за трансфер во Битола.
Србинот е деветтото засилување за новиот тренер Лино Червар по: Серафимов, Котар, Мехмедовиќ, Џелетовиќ, Татар, Белистојаноски, Басанесе и Џелиловиќ.