Photo: GRK Ohrid
Леворакиот бек на Вардар 1961, Томислав Јагуриновски има нов клуб и ќе настапува во Втората Бундеслига следната сезона.
Германскиот клуб Десау Рослауер денеска го промовираше македонскиот репрезентативец Томислав Јагуриновски за засилување за следната сезона.
„За мене ова е важен чекор во кариерата. Излегувам од комфорната зона, ќе запознаам нова земја, нов јазик и ќе играм во една од најсилните лиги во светот. Тоа е голем предизвик и со нетрпение го очекува. Десау е екипа со традиција, етаблирана во 2 Бундеслига. Со нетрпение очекувам да го запознаам градот, луѓето и пред се фановите. Ќе сторам сѐ за да бидеме успешни со клубот, за тимот и за фановите“, изјави Јагуриновски.
Деасу е екипа која првенството ќе го заврши во средината на табелата, во безбедната зона, но не и блиску до екипите што се борат за влез во елитата.
Втората Бундеслига е професионална, клубовите се поквалитетни од повеќето европски, а конкуренцијата силна и израмнета, па Јагуриновски ќе има простор за докажување.