Вардар го потврди бразилското засилување

Photo: RK Vardar 1961

Долго време се најавуваше, сега е официјално потврдено. Бразилскиот среден бек Жоао Педро да Силва од јануари ќе се пресели во редовите на Вардар 1961. Тој доаѓа од редовите на РК Војводина, вицепрвакот на Србија.

Искусниот среден бек ќе потпише договор до јуни 2028 година, со што „црвено-црните“ добиваат искусен играч во бековската линија за следните двеипол сезони.
Да Силва (1994) е универзален бек со примарна улога на среден бек, но може да покрие и лева и десна страна. Препознатлив е по брзата реакција во играта, игра „два на два“ со линијата и веруваме дека со таков профил на играч Вардар го ќе добие на поголема разновидност во нападот.
Доаѓањето на Жоао Педро да Силва се вклопува во амбициите на клубот за силна пролетна полусезона во Лига Европа и во домашното првенство, како и во стратегијата да се гради костур на тимот на подолг рок.
Деталите од договорот ќе бидат официјализирани со неговото пристигнување во Скопје во јануари.
Вардар во февруари и март ќе игра мечеви од Главната фаза на Лига Европа, а исто такa пролетва ќе бидат и мечевите од разигрувањето за титулата во домашното првенство“, вели Вардар 1961 во својата објава на социјалните медиуми.