Кои се можните противници на Македонија на патот до СП 2027?

Македонската репрезентација на ЕП 2026 во Хернинг отпатува со (не)скриена агенда. Пласман во Топ 16 што ќе ни гарантира прв шешир во вториот бараж за пласман на СП 2027.
Таа мисија беше толку комплицирана што дури не се зборуваше на глас за неа. Требаше да се случи мало чудо за да биде остварена...и се случи и сега многу помирно се прават математики за одржувањето на традицијата на учествуваме на следниот голем настан, а тоа во случајов е мундијал што се игра во Германија следниот јануари.
Среќа ќе ни треба и во оваа ждрепка. Не ја потценуваме Македонија, треба многу работа и менување на свеста и пристапот пред да дојде момент да не стискаме палци пред ждрепка и да имаме и повисоки амбиции пред настап на големо натпреварување.
Ждрепката ќе биде извршена на 31 јануари. 

СВЕТСКО ПРВЕНСТВО ГЕРМАНИЈА 2027
МОЖНИ ПРОТИВНИЦИ НА МАКЕДОНИЈА
БАРАЖ 1:
БИХ – КОСОВО
ГРУЗИЈА – ИЗРАЕЛ
УКРАИНА – СЛОВАЧКА
СРБИЈА – ЛИТВАНИЈА
ПОЛСКА – ЛЕТОНИЈА
ТУРЦИЈА – РОМАНИЈА
ГРЦИЈА – БЕЛГИЈА
ФИНСКА – Ц. ГОРА
ЧЕШКА (17 место на ЕП)
ИТАЛИЈА (18 место на ЕП)

Овој пат можеме и да си посакаме противници, па би било убаво тоа да биде победникот од дуелот БиХ – Косово, Украина – Словачка или Грција – Белгија. Малку би се намрштиле ако треба да играме со победникот од Финска – Црна Гора, полошо од нив е Полска – Летонија или Грузија – Израел, а најлошо или лоша ждрепка се Србија/Литванија, Италија и конечно – Чешка.