Селекторот на машката репрезентација на Македонија, Кирил Лазаров, го скрати списокот на ракометари за настап на баражот за пласман на СП меѓу репрезентациите на Словачка и Македонија.
Првиот меч ќе се игра на 13 мај во Прешов, реваншот е на 17 мај во Скопје, а вкупниот победник ќе се пласира на СП 2027 што ќе се одржи во Германија.
Поголемата минутажа што ја добива и формата што ја прикажува за прв пат во голманското трио го смести голманот на Вардар 1961, Васил Гогов. Тој ќе добие шанса пред Галевски и Кизиќ од Алкалоид, заедно со поискусните Митревски и Томовски.
Никола Маркоски е уште едно препознатливо име што ќе одмори за овие бараж натпревари. Во екипата се враќаат Милан Лазаревски и Томислав Јагуриновски.
