-
21.9.2026
-
Македонски ракомет
Ждрепката за второто коло од ЕХФ Европскиот Куп ќе се одржи утре во Виена. Три македонски екипи ќе ги добијат своите противници, тоа се Алкалоид и Охрид од првиот шешир и екипата на Бутел Скопје, која според ранкингот е сместена во вториот шешир.
Екипата на Бутел Скопје ќе ги избегне македонските екипи Алкалоид и Охрид во утрешната ждрепка. Европската ракометна федерација (ЕХФ) денеска објави дека и за второто коло ќе важи заштитата воведена од оваа сезона, според која две екипи од иста земја не можат да играат меѓусебе.
ЕХФ не е многу брз со ажурирање на податоците кога станува збор за ждрепките, особено кога станува збор за ЕХФ Европскиот Куп. Сè уште официјално не ги потврдила двата шешири, а најавено е дека тоа ќе го стори попладнево.
Но, според претходно објавениот рејтинг на екипите, лесно може да се пресмета која екипа во кој шешир ќе биде сместена. Според официјалната ранг-листа, ги поделивме екипите на носители и неносители.
Ждрепката ќе започне во 11:00 часот и ќе биде директно пренесувана на Јутјуб каналот на ЕХФ.
Прв шешир:
Алкалоид и Охрид (Македонија), Островија (Пол), Олимпијакос (Грц), Хаукар (Исл), Темишвар (Ром), Борац (БиХ), Плер (Унг), Тримо Требње (Сло), Рунар (Нор), Бешикташ (Тур), Војводина (Срб), ЈАГС и Волендам (Хол), Дукла Прага (Чеш), БК-46 (Фин), Касано (Ита), Бистрица (Свк), Горица (Хрв), Винтертур (Шва), Полва Сервити (Ест), Мотор (Укр), Анортозис (Кип), Ловќен (Мне), Х-71 (Фар), Спортинг Пелт (Бел), Клаипеда (Лит), Ред Бојс (Лук), Кастриоти (Кос), Ќур (Азе), Хашарон (Изр), Добеле (Лет)
Втор шешир:
Бутел Скопје (Македонија), Ајслингтон (ГБР), Слога Добој (БиХ), Нербо (Нор), АЕК, Јоникос, Драма и ПАОК (Грц), Холон и Макаби Ришон (Изр), Еш и Берхем (Лук), Бурса, СпорТото и Истанбул (Тур), Кремс, Ферлах и Фајверс (Авс), Берн (Шва), Дубочица 54 и Динамо Панчево (Срб), Омонија (Кип), МКС Калиш (Пол), Потaиса Турда (Ром), Трогир (Хрв), Горење Велење и Словењ Градец (Сло), Талин Мистра (Ест), Жубри (Чеш), Хелсинки (Фин), Сасари (Ита) и Бојнице (Свк).