-
22.11.2026
-
Планета ракомет
Photo: IHF / Kolektiff
Исланд ги објави имињата на ракометарите кои ќе конкурираат за настап на Светското првенство во Германија, каде што во прелиминарната фаза, во третото коло во Магдебург, ќе играат против репрезентацијата на Македонија.
Шест нови имиња, кои досега не биле повикувани, се најдоа во широкиот избор на селекторот Снори Гудјонсон. Исландските медиуми ги издвојуваат младите надежи од домашното првенство, Гунар Робертсон и Фрејр Аронсон, но најпознатото ново име во тимот е Гардар Инги Синдрасон, кого неодамна имавме можност да го видиме во Битола во дресот на Гумерсбах.
Тројца Исланѓани во првата фаза ќе играат на домашен терен. Тоа се ракометарите на Магдебург – Елвар Јонсон и нивното ударно бековско дуо Гисли Кристијансон и Омар Инги Магнусон.
Поради нив организаторот го смести Исланд во Магдебург, а логиката вели дека и домашната германска публика во „Гетек Арена“ ќе биде на страната на Исланд.
Бројни ѕвезди има на располагање исландскиот селектор. Практично, на секоја позиција има звучно име, а има и доволно познати играчи во ротацијата. Сето тоа го прави исландскиот тим фаворит за првото место во групата.
ГОЛМАНИ:
Виктор Гисли Халгримсон (Барсa) Aгуст Бјоргвинсон (КА), Бјоргвин Пал Густавсон (Валур), Исак Стеинсон (Драмен), Јон Торстеинсон (ФХ),
ОСТАНАТИ РАКОМЕТАРИ:
Андри Рунарсон (Ерланген), Арнар Арнарсон (Фленсбург), Арнор Оскарсон (Валур), Биргир Биргисон (Амичитиja Цирих), Бјарки Мар Елисон (ПСЖ), Дагур Гаутаcон (КА), Еинар Торстеин Олафсон (Хамбург), Елиди Видарсон (Гумерсбах), Елвар Асгеирсон (Рибе-Есбјерг), Елвар Ерн Јонсон (Магдебург), Фреир Аронсон (Хаукар), Инги Синдрасон (Гумерсбах), Гисли Кристјансон (Магдебург), Гунар Робертсон (Валур), Хаукур Трастарсон (РНЛ), Јанус Смарсон (Барса), Јоханес Андрасон (Холстебро), Јон Олафсон (ФХ), Кристјан Кристјансон (Сканерборг), Ори Торкелсон (Спортинг), Один Тор Рикардсон (Кадетен), Омар Инги Магнусон (Магдебург), Рејнир Тор Стефансон (Мелсунген), Сигвалди Гудјонсон (Хановер-Бургдорф), Стивен Тобар Валенсија (Валур), Свеин Јохансон (Шамбери), Теитур Ерн Еинарсон (Гумерсбах), Виго Кристјансон (Ерланген), Имир Ерн Гисласон (Гепинген), Торстеин Гунарсон (Порто)