Македонската женска репрезентација денеска (14 чсот) во салата „Јане Сандански“ ќе игра во големото финале против репрезентацијата на Хрватска на Светското училишно првенство во ракомет.
До битката за златен медал нашите ракометарки стигнаа со пет победи во исто толку одиграни натпревари. Во нашиот табор се задоволни што имаат шанса да бидат дел од едно вакво натпреврувње, бидејќи на оваа генерација за да може да созрева и се потребни што повеќе мечеви.
„Среќни сме што ќе играме финале и тоа на домашен терен. Нам одамна ни беше потребен еден ваков модул на натпреварување како што е ова Светско училишно првенство за ракомет. Девојките се мотивирани, очекуваме успех, затоа и сме тука. Oвие натпревари се добредојдени за оваа репрезентација.
На полуфиналниот дуел со Турција успеавме да останаме стабилни, од минути во минута ја подигнавме формата, во второ полувреме беше прашање само крајниот резултат. Денешниот против Хрватска исто ќе биде драматичен, во изминатите денови не ги искористија сите расположливи сили, во својот состав имаат квалитетни репрезентативки.
Наше е да се бориме, се надеваме дека уште еднаш ќе ја израдуваме нацијата“, изјави селекторот на нашиот тим Даниела Новеска Вељаноска.
Влезот во салата „Јане Сандански“ за двата финални натпревари денеска е слободен.