Најдобрите светски ракометари до возраст до 21 година, во јуни 2027 ќе дојдат во Македонија за да се натпреваруваат за титулата најдобри во светот.
По усвоената апликација и извршената инспекција Меѓународната ракометна феерација (ИХФ) му ја додели на РФМ организацијата на Јуниорското Светско првенство (У21) 2027.
Ракометната федерација на Македонија денеска ја официјализираше информацијата.
Македонија и градот Скопје ќе бидат домаќини на големо светско ракометно натпреварување. На Ракометната федерација на Македонија ѝ е доверена организацијата на IHF Men’s Junior (U21) World Championship, кое ќе се одржи во периодот 23 јуни – 4 јули 2027 година.
На ова престижно натпреварување ќе настапат најдобрите млади ракометари до 21 година од целиот свет, а Македонија и градот Скопје повторно ќе бидат во фокусот на светската ракометна сцена.
Ракометната федерација на Македонија продолжува посветено да работи на развојот и популаризацијата на ракометот, како и на промоцијата на Македонија како домаќин на големи меѓународни спортски настани.
Воедно, изразуваме благодарност до Меѓународната ракометна федерација (IHF) за укажаната доверба и можноста Македонија повторно да биде организатор на едно вакво значајно светско натпреварување